唔似香港9成人住分層單位，即使在英國嘅大城市之中，都不少不同類型的物業可以選擇：獨立屋、半獨立屋、排屋等等⋯
當然從外觀或者性質上，都很容易看得出邊種類型比較吸引，又或者自住客人都會有佢哋自己嘅考量。但是投資方面，究竟邊種物業會最適合你？熟悉我們的客人都知道我們一向有很多不同嘅數據分析，因此都特地在今天整合俾大家，用數據了解而唔再做「印象派」。
以上係英國土地註冊處的樓價數據，以2019年為基數，可以輕易了解過去幾年各類英國物業的升幅分別。從數據已經會見到獨立屋的樓價及升幅絕對係一枝獨秀，對比其他類型嘅物業都高出不少。原因都非常簡單，除了獨立屋本身是較優質的物業類型之外，而且在大城市中嘅土地供應始終較少，變相獨立屋就更加罕有及矜貴，亦非常受當地家庭嘅追捧，因此升幅就當然會更高。
不過，投資除了樓價升幅，租金收入都係重要一環，對比起獨立屋，其實半獨立屋及排屋的租金回報相對會較高，至少約0.5-1%，所以希望財息兼收的客人可能留意價格夠親民的半獨立屋及排屋會較為適合。值得一提的是，大家都可以看到其實半獨立屋及排屋的走勢亦相當接近，只係價錢上有小許分別，以投資嘅角度去睇的話，排屋亦可能會係一個更好的選擇？
之後就是大家經常問我們為什麼不太推介的flast分層單位：沒錯，flats的租金回報是絕對理想的，同houses相比毫不遜色，只是大家要留意極其昂貴的地租及管理費，而家大家都可以見到在當地嘅樓價指數flats依然處於一個很低的位置。除此以外，單從近兩年去比較，flats的樓價升幅已經跑輸14%或以上，再加上我們過去很多的報道分析，分層單位似乎真的不太值得英國物業投資者去留意。最後一點就是大家要想像已經有大量天價單位在港賣出過，但是Flats的樓價依然低迷，就清楚當地的分層單位真實銷情究竟是如何了⋯
總的來說，我們認為投資者若果追求物業升幅的話可以選擇當地優越地理位置的獨立屋；各方面平衡的話，半獨立屋會是個好選擇；希望小本投資、現金流較高的，排屋亦絕對不會令你失望。
