fbpx
Your search results

睇樓名單咁易Full?真定假啊?

Posted by Red Block Property Exchange Limited on December 9, 2021
| 0

相信有留意開英國二手物業的客人朋友都會發覺一個頗為煩人的問題:就是好難買到樓之餘,甚至連簡單約睇樓都可能約不到,莫講話自己send email或者搵到埗當地僅一兩個月的「KOL」約睇樓,即使已經搵當地註冊地產代理幫手, 在預約較優質物業的時候,亦都只可能排到上waiting list。

坦白講即使是我們,其實過去都收過客人抱怨為什麼我們當日立刻約睇樓,睇樓名單都可以已經full了, 笑說是否因為我們不收取睇樓費所以不夠「落力」約睇樓🤣 當然,心水清的客人們都明白現在的市場情況就是如此,各大城市的住屋需求非常巨大。

而買賣平台OnTheMarket亦有指出 ”fully booked open house days followed by multiple bids above asking price within twenty-four hours” 的情況真的非常普遍,不過究竟背後有什麼原因? 作為英國當地的 註冊地產代理, 我們都可以解釋一下背後的真實情形。

其實當地地產代理協助業主放售一些價位中低水平物業嘅時候一般只會收取一個固定的費用,而呢個固定嘅費用亦都只會包括有限數量的預約參觀,所以他們通常只會將物業放上網之後一兩星期安排一日全日睇樓參觀的block viewing。 而大家都明白即使睇足全日,都很可能只可以容納最多約20-30組客人,所以很多時短短幾小時內就已經會full booking。

而因為大量買家都會在相約的時間參觀完物業,出價的時機都大概相同,在同時會接受到大量出價的情況下,現在的賣家都不會再逐一與每一個買家討價還價,因而得出相信有部份客人都聽過嘅 「Best and Final」截止時間。

業主會定出一個最後時限並假設每個買家出價都是其最高價, 時間過後就會直接從眾多的offers入邊揀選一個認為最適合的offer去接受。 很多初接觸嘅客人了解到之後都覺得很不可思議,但是大家都要明白現在始終是Seller Market賣家市場,不會再是買家(尤其是投資者)慢慢選擇,反而是由賣家選擇一位了價格吸引,還是值得信賴及會真正成交到的客人。因此在出價及預約睇樓時提供到足夠的文件都會有極大幫助。

可能大家會覺得這是否意味着要隨便買一間? 而其實用開我們服務的客人都知道,我們每天都會從所有的放盤中嚴格篩選出數間符合條件而且同樣具質素的物業, 相信一定會有適合客人的選擇。

回歸正題, 在現在供應量極少的情況下,我們都很希望各位客人明白我們經常強調的做法,的確不是誇大其詞, 購買到有質素嘅物業真的需要不少功夫及心理準備:

  1. 盡量多選擇想約參觀的物業,不需特別只專注一兩間;
  2. 提供到足夠的文件如身份及資金證明等讓業主更有信心接受你的睇樓預約或出價;
  3. 睇樓後盡快出價,因為開放日後所有有興趣的客人(包括當地人), 都已經會立刻向對方agent提交offer;
  4. 盡量提交可接受的最高價因為一般情況下業主都不會再預時間同買家慢磋商,只會直接從眾多的offers入邊揀選一個認為最適合的

沒錯,對比起每個週末的展銷會可以整張價單任揀的形式,二手樓真係會遇上很多想像唔到的問題。不過相信大家都一定會慶幸自己有選擇留意二手物業 – 因為諗深一層若果真有極度搶手的項目,基本上睇樓的機會都不多,而且當地人都會爭相購買,又怎可能或有需要特地帶到海外推銷?

而至於當地嘅新樓項目是否全部都不值得購買?就容許我下次再同大家詳談。

Leave a Reply

Your email address will not be published.

Compare Listings

Open chat
立即 WhatsApp Us!
Hello! 請問有咩可以幫到你?
Thank you! How can we help you?